Dəstəkçi -  resurslara ehtiyacı olan və cəmiyyətə faydalı bir təşəbbüsü olan şəxs, təşkilat və təşəbbüs qruplarını və onların bu ehtiyaclarını qarşılayacaq  dəstəkçiləri( fiziki şəxslər, şirkətlər, təşkilatlar) onlayn platforma vasitəsilə  bir araya gətirən  sosial sahibkarlıq platformasıdır.

Dəstəkçi platforması öz layihəsinə resurs tapmaqda çətinlik çəkən sosial, sosial  sahibkarlıq layihələri, təşəbbüs qrupları və fərdi şəxslərə axtardığı resursları bir yerdən,  rahat şəkildə əldə etməyə kömək edir. Dəstəkçi platforması sosial və sosial sahibkarlıq  layihələri, sosial təşkilatlar üçün onlayn resurs hub olaraq fəaliyyətindən əlavə ölkədə  sosial sahibkarlığı təşviq edən layihələr, tədbirlər təşkil edir.

Platformanın əsas məqsədlərindən biri də özəl sektorla sosial sahibkarlıq müəssisələri, sosial layihə və təşkilatları  arasında körpü rolunu oynayaraq özəl sektor orta və böyük biznesləri ilə  vətəndaş cəmiyyəti və sosial sahibkarlıq müəssisələri  arasında ələqələrin qurulmasını və inkişaf etməsini təmin etmək  və bu istiqamətdə müxtəlif tədbirlər və layihələr həyata keçirməklə Korporativ Sosial Məsuliyyət faliyətlərinin effektivliyini daha da artırmaqdır.